Day 1.3 BNO與歐遊
去年續回了BNO，今次才是第一次用BNO歐遊。之前用過BNO到澳洲同英國出Trip，也用過BNO到新加坡同馬來西亞旅行，都是十分順利。不過今趟則是頭一次遇到小麻煩。
去程
話說在杜拜及里斯本都遇了被問及BNO的問題，各位要注意了！
在杜拜往里斯本登機時，EK的職員欵惑地跟同事說呢本護照係咪入到葡萄牙。後來問呢本護照係咪遺失過，我後來口快快答左無，個職員就指住其中一版話有遺失過喎，小橙先醒起係喎，我係報失之後補領。（但係呢本無唔見過呀嗎）不過佢最後都比左我上機。建議大家可以話o係出發地checkin都無問題登到機，因為事實上真係visa free喎。
第二次就係在里斯本啦！話說小橙終於可以第一次揀究竟EU通道定Non-EU通道。小橙都好虛心咁問機場職員。佢話你去EU啦，因為是UK護照嗎。我都認為係咁。不過去到immigration個時，入境處職員就好多疑問了。首先佢係第一次接觸呢本護照，佢問晒同事都無人識（最主要無人知係咪Visa Free）。
OMG!!!其實我唔驚訝BNO會遇到呢樣問題，只係我估唔到葡萄牙首都ge入境處竟然未見過BNO..從我第一段可以知道應該好多國家都見過呢本野，因為無人question過呢本護照係乜東東。可想而知，真係好少香港人到葡萄牙，或以此為第一站。心裏面有點兒為葡國感到不值呢。
雖然佢地唔係好識，不過都好努力咁打電話問，我其實有特區護照，佢地就好肯定話呢本一定得，如果BNO唔得你用唔用呢本入境，我話OK。最後佢地都問到OK，dum左個印就放我過去，全程佢地都好Nice，唔會覺得你煩，又唔係當你係犯咁，只係有D耐。不過小橙做左開荒牛，希望以後BNO持有人可以順利入境啦 ！
（不過，都有人話其實帶兩本護照係唔好，所以大家要考慮清楚）
回程
話說由里斯本回杜拜要出境，我因為趕住Boarding就幾乎跑住咁去過關。今次都係EU Counter，我遞過去2秒鐘之後，嗰個職員掟返俾我。我真係呆左。
我諗我可以結論係總算有BNO人喺里斯本出過境 XDDDD。
不過真係麻煩，又係無dum印出境，上次UK又係有入境印無出境印..
唔好以為離開到歐洲就無問題，估唔到去到杜拜返HKG又黎過。今次Boarding EK問我拎香港身份證。好在我有聽過雲海講BNO，所以我今次一D都唔驚訝，不過還是值得記下來。
後記
小橙雖然遇到上述的經歷，其實呢D都係一D小問題，所以小橙打呢D出黎唔係想大家卻步，而係想大家如果係用BNO的話有個心理準備，希望大家順利無阻。
4 留言
I think just because most BNO are expired with no renewals, Portugal is of course not a common place to many Hongkongers.
ReplyDeletehihi,
ReplyDelete我想問一下關於BNO入境問題，請問可以email聯絡嗎？
請問BNO係杜拜轉機係咪要簽證?
ReplyDelete唔駛出境所以唔駛簽證
ReplyDelete但係佢地好似唔係好識BNO呢樣野, 會左問右問, 同埋BNO有個條款係要有香港身份證呢本BNO先有效
所以記得唔好漏左身份證